🖋️कविता -"म भित्र मेरो देश" । Nepali poem

" म भित्र मेरो देश "

स्वाभिमानको नारा लगाई मृत्युलाई रोज्न सक्छु

चन्द्रमा मै पुग्यौ होला तिमी म नौलो ब्रह्माण्ड खोज्न सक्छु

नारी भनेर हेप्न खोज्छौ

मसँग तिम्रो जितलाई पनि हराउने हार छ

गोर्खालीको छोरी हुँ म मेरो रगतमा तरवार छ

विश्व सामु शुन्य छ अरे मेरो देश

हो, म त्यही शुन्यतामा रमाउन सक्छु

आगो रहेछौ तिमी आगो

म पनि ज्वालामुखी हुँ तिमीलाई आफूभित्र समाउन सक्छु

तर तिम्रो हिम्मत छैन मेरो यो भूमिलाई स्पर्श सम्म गर्न सक्ने

किन भने तिम्रो त्यो मुटु अझैं पनि यो उच्च शिरको खुकुरी देखेर थर्थराउँछ

जुन चन्द्र सूर्यको तिमी परिकल्पना मात्र गर्न सक्छौ

हेर

त्यो त मेरो ध्वजा मा फर्फराउँछ!

बलि दिई पुर्खाहरूले जन्मिएको क्षेत्र हो यो

पाउ टेकेर कुल्चिन नखोज भागवत् गीता त्रिपिटक कुरान अनि बाइबल सरी पवित्र हो यो

गरीब भन्छौ हेला गर्छौ

हो म गरीब छु तर मेरो यो गरिबी तिम्रो ऐश्वर्य भन्दा सर्वश्रेष्ठ छ

कायर भएर जिउँछौ तिमी म शहिद भएर मर्नेछु

हेर तिम्रो जीवन भन्दा मेरो मृत्यु उत्कृष्ट छ

विश्वलाई सजाउने यी हातहरुको कला रित्तिएको छैन

कहिल्यै नमर्ने आशाहरुको आवाज सिद्धिएको होइन

बदलिने छ समय

फेरि एउटा छुट्टै परिवेश हुनेछ

जब तिमी इतिहास र परिवर्तनको कठघरामा उभिने छौ

वकील" म "अनि न्यायधीश "मेरो देश "हुनेछ !

✍️ Pushpa Pandey

अन्य रचना हरु पढन तथा हाम्रो जानकारी को लागि होम पेज मा जान माथि भएको यस्तै बट्न ⬅️ क्लिक गर्नुहोस !

Saahitya Manch Nepal