🖋️कविता -" म ब्यापारी हु " ।Nepali Poem।

म व्यापारी हु 

तिमिले चिनेनौ मलाई 

म एक व्यापारी हु

म भावनाको ब्यापार गर्दछु

आफुलाइ रोदन अनि अरुलाइ खुशी दिने गर्द्छु

अझै चिन्न सकेनौ मलाई तिमिले 

खै कसरी दिउ म आफ्नो परिचय

सायद मेरो निश्चित नाम छैन

सायद मेरो निश्चित गाउँ छैन

तर म एक ब्यापारी हु ।।

कुनै दिन तिमिलाइ नि खुशी बेचेकी थिए

सायद सहजै बिर्सेयौ 

हुन त म सारै सस्ती छु 

म सहजै त कहिले सित्तैमा बिक्री गर्छु आफ्ना भावना 

त्यसैले बिर्सेयौ होला

निश्चित नाम छैन मेरो अझै पनि

तर उपनाम भने थुप्रै छन मेरा

कसैको लागि छोरी हु कसैको लागि बुहारी ,भाउजू ,नन्द,दिदी , बहिनि 

म आफ्नो जीवन त्यागेर कसैलाई जीवन दिन्छु

म सारा सपनाहरूलाई एक समसानमा पुरेर

तिम्रा अनेकौं सपनाहरूलाई साकार पारिदिन्छु

मलाई मोलतोल गर्न राम्रो सङ्ग आउँछ हजुर 

म ब्यापारी हु ।।

गर्भमा छोरी छ भन्दा परिवारले मलिन अनुहार लाउदा 

आफ्ना रहर त्यागी अपराध गरि 

कोमल कोपिलालाई फुल्नै दिदैन म

मलाई लाग्छ बिश्वकै सबैभन्दा कठोर हृदय भएकी व्यापारी हु म

म सहजै रोदन लिइ खुशी साट्दछु

म सहजै रहर त्यागी कहर साट्दछु

म सहजै चोट लिइ मलम साट्दछु

कति बिज्ञापन गरौ म अझै 

म एक ब्यापारी हु भनी चिनाउन

के साच्चै तिमिले मैले ब्यापार गरेको देखेका छैनौ

के साच्चै तिमिले मलाई अझैसम्म चिनेका छैनौ 

आफूले अन्तिम सास लिदाको पलनी तिम्रै पिर गर्ने तिम्रा आशाको दियो जालाउने

एक कठोर ब्यापारी हु म।।।

✍️ Kristi Joshi 

©️ Saahitya Manch Nepal & Writer 

 अन्य रचना हरु पढन तथा  हाम्रो जानकारी को लागि होम पेज मा जान माथि भएको  यस्तै बट्न  ⬅️  क्लिक गर्नुहोस !