🖋️कविता -" मलाई फेरि बच्चा हुन मन छ "

मलाई फेरि बच्चा हुन मन छ 

त्याे बालापनमा फर्किन मन छ

साथीभाइ बटुलेर भाडाँकुटी खेल्न मन छ 

अामाकाे पछ्याैरी बेरेर बेहुली हुन मन छ 

घईकाँसा, चुङ्गी, गट्टा खेल्दै 

साथीहरू सँग जित्न हार्न मन छ 

लुकमारी, छुईडुम खेल खेल्दै 

खेलमा झेली भयाे भन्दै झगडा गर्न मन छ

दाल, मसला, हड्डी कट्टी भन्दै 

साथीहरु सँग फेरि रिसाउन मन छ 

कबड्डी कबड्डी खेलमा जित्दै

मेराे घरमा किन अाईस् भन्दै साथीलाई धपाउन मन छ

ईनी मिनी म्यागाे, यू क्यान गाे भन्दै

अाँखा छाेपी, रुमाल लुकाई, अाईस् एण्ड वाटर

फेरि एकचाेटि खेल्न मन छ

घरबाट दाल, चामल, नुन, मसाला लगी

मलाई फेरि त्यहीँ ठाउँमा वनभाेज खान मन छ 

लाक्टाे चकलेटकाे खाेल तानातान गर्न मन छ 

दूधवाला चकलेट खानाकाे लागि अामासँग झगडा गर्न मन छ

यति यति पानी, गंगै रानी भन्दै 

टाेल नै थर्किने गरी कराउन मन छ 

साथीहरू भेला पारी 

एउटा साथी जंगलमा र बुढाे बाजे खेल्न मन छ 

बच्चामा जसरी खेल्थ्याै त्यसैगरी निस्फ्रीक भई

कुनै कुराकाे चिन्ता नलिई, पीर नलिई

हातमा रबर मुठ्ठी बनाई

जाेर कि बिजाेर भन्दै साथीकाे रबर लिन मन छ 

डाेरी नाधी, चुङ्गी खेल पहिला काे खेल्ने भन्दै

 ढुंगामा थुकि, थुक कि सुक गरी छुटाउन मन छ 

अाँखा छाेपी खेल्दा पिट्न अाउने साथी पत्ता लगाउन

दाल, भात, खिचडी, दाल, भात, खिचडी भन्दै 

पिट्ने साथीतर्फ ईशारा गर्न मन छ 

ढुंगा, माटाे, ईँटा सँग फेरि सम्बन्ध जाेड्न मन छ 

ठुलाे हुँदै गर्दा छुटेका ती साथीहरू सँग फेरि बाेल्न मन छ 

ऐँशेलु, किम्बु, अारु, अम्बा फेरि चाेर्न मन छ

घाम र जुन म सँग हिँड्छ भन्दै दाैड्न मन छ 

नयाँ बुक पाएपछि मान्छे छ कि छैन खेल्न मन छ 

चि मुसी चि, उडकी मुडकी तामाजु,

butterfly butterfly which colour do you like?, 

ताताे अालु फेरि चाेटि खेल्न मन छ 

PASS PASS भन्दै टिम बनाई स्पिकिङ्ग र गट्टा खेल मन छ 

मलाई फेरि त्यहि बालापनमा फर्किन मन छ 

जहाँ जानीनजानी कयौं गल्तीहरु गरियाे

कयौं सिकहरु सिकियाे

कयौं यादहरु बने, जिन्दगीको 

ती गल्तीहरुसँग

ती  शिक्षकहरुसगं

ती यादहरुसँग

मलाई फेरि साक्षात्कार गर्न मन छ 

मलाई फेरि बच्चा हुने मन छ ।

✍️ Srijana Dhungel 

©️ Saahitya Manch Nepal & Writer 

 अन्य रचना हरु पढन तथा  हाम्रो जानकारी को लागि होम पेज मा जान माथि भएको  यस्तै बट्न  ⬅️  क्लिक गर्नुहोस !